Тегін білім алу грантына конкурс

Қазақстанда алғаш рет «Қазақстан актуарийлерінің қоғамы» және «НОМАД LIFE» Өмірді сақтандыру компаниясы актуарлық курстардан өтуге білім беру грантын алу бойынша конкурсты жариялайды. Бұл конкурсқа соңғы курстардың білім алушылары және оқу үлгерімінің жоғары көрсеткіштерімен отандық физика-математикалық, техникалық факультеттерінің түлектері қатыса алады. Конкурсты ҚР Ұлттық Банкі қолдады.

Конкурстың жеңімпаздары бірінші базалық актуарлық курстан тегін өту және тегін емтихан тапсыру мүмкіндігіне ие болады. Емтиханды табысты тапсырған жағдайда, олар сондай-ақ актуарийлерді оқытудың минималды бағдарламасының екінші базалық курсына грант негізінде қатыса алады.

- Осылайша, біз қазақстандық дарынды жастарды қолдап, еліміздің қаржы нарығы үшін жоғары білікті кадрларды даярлау ісіне өз үлесімізді қоспақпыз. Өйткені қаржы секторында кадрлардың тапшылығы байқалады, – дейді «НОМАД LIFE» ӨСК» АҚ Басқарма төрағасы, «Қазақстан актуарийлері қоғамының» толық мүшесі Қайрат Чегебаев. – Оқуға гранттарды бөлу арқылы өткізгелі отырған бұл ерікті бастаманың нәтижесінде сақтандыру ұйымдары мамандарының біліктілігі деңгейін көтеруге алып келуі тиіс, бұл саланың жалпы өсуін тежеуші факторы болып табылатыны анық.

Актуарийлер – бұл жан-жақты мамандар – жақсы теориялық дайындығынан өткен және  математика, статистика, экономика, демография, ықтималдық теориясы және қаржы салаларында қолданбалы дағдыларын меңгерген аналитиктер. Актуарийлерді оқыту бағдарламасы әлемнің жетекші актуарийлерімен: Майкл Зимен (FSA, FCIA),
Чарльз Маклаудпен (FSA, FCIA, MAAA), Джон Шепердпен (Австралия Актуарийлері Институтының мүшесі) әзірленген. «Қазақстан актуарийлерінің қоғамы» актуарлық курстарды 2001 жылдан бері өткізіп келеді. Олардың түлектері бүгінгі таңда сақтандыру компанияларында, банктерде және зейнетақы қорларында талап етілген. Курстар аяқталған бойда Қоғаммен берілген сертификат бүкіл әлемде қолданылады, өйткені  «Қазақстан актуарийлерінің қоғамы» SOA-ның ассоциативтік мүшесі болып табылады.

Актуарий мамандығы және онымен байланысты мамандықтар (андеррайтерлер, тәуекел-менеджерлер) дамыған елдерде ең талап етілген және көп ақы төленетін мамандықтар қатарына тұрақты негізде енеді.

Конкурсқа 1994 ж. бұрын емес туылған ҚР азаматтары, жоғары оқу орындарының бакалавриатында соңғы курста оқып жүрген білім алушылар, немесе ЖОО-ны жақын арада бітірген, немесе GPA (орташа балл) жоғары көрсеткіші бар магистратурада, аспирантурада, докторантурада білім алушылар қатыса алады. Басымдық берілетін пәндер математика және физика. Сондай-ақ іріктеу барысында математика, физика пәндері бойынша олимпиадалар мен жобаларда алған жүлделі орындар және курстың толық бағдарламасына қатысу үшін бос уақыттың болуы ескеріледі.

 Конкурс туралы толығырақ ақпарат:  www.actuary-grant.kz сайтында.