Бірлескен зейнетақы аннуитеті

Зейнетақылық сақтандыру бағдарламасы «ҚР Әлеуметтік Кодексінің өзекті нормаларына сәйкес әзірленген

Өмірді сақтандыру компаниясы арқылы өмір бойы зейнетақы рәсімдеу үшін БЖЗҚ-да белгілі бір мөлшерде жинақ болуы қажет. Кейде ерлі-зайыптылардың бірінің жинағы қажетті сомадан асып жатады, ал екіншісіне қажетті сома жетпейді.

Бірлескен зейнетақы аннуитеті ерлі-зайыптылардың немесе жақын туыстардың жинақтарын бір шартқа біріктіруге мүмкіндік береді. Бұл жағдайда екеуі де өмір бойы зейнетақы алады, тіпті олардың біреуінің жеке жинағы қажетті соманы рәсімдеуге жеткіліксіз болса да.

СІЗДІҢ ПАЙДАҢЫЗ:

Екеуіңізге де — өзіңізге де, жұбайыңызға немесе жақын туысыңызға да өмір бойы зейнетақы.

Егер біреуіңіз өмірден өтсе, екіншіңіз шартта белгіленген кесте бойынша өз төлемдеріңізді алуды жалғастырады.

Кепілдік берілген кезең ішінде төлемдерді мұрагерлер ала алады.

Әрбір сақтандырылушы үшін шарттың жеке шарттары есептеледі.

Төлемдерге Сақтандыру төлемдеріне кепілдік беру қоры кепілдік береді.

Мысал арқылы қалай көрінетінін қарастырайық

55 жастағы ер адам

БЖЗҚ-дағы жинақ — 13 827 800 ₸.

Зейнетақы аннуитетін рәсімдеу үшін оған 10 048 456 ₸ қажет. Жинақтары жеткілікті.

55 жастағы әйел адам

БЖЗҚ-дағы жинақтары — 9 520 800 ₸.

Зейнетақы аннуитетін рәсімдеу үшін оған 13 180 591 ₸ қажет. Жинақ сомасы жеткіліксіз.

Ерлі-зайыптылардың бірге жинаған қаражаты – 23 348 600 ₸

Бұл сомаға бірлескен зейнетақы аннуитетін рәсімдеуге болады. Нәтижесінде әр жұбай өмір бойы 35 596 ₸ алады.

Төлемдер жыл сайын индекстеледі.

БАҒДАРЛАМА ҚАЛАЙ ЖҰМЫС ІСТЕЙДІ?

Сіз өтініш беріп,

зейнетақы аннуитеті шартын жасайсыз.

БЖЗҚ 5 жұмыс күні ішінде

жинақтарыңызды Nomad Life-қа аударады.

NOMAD LIFE сізге зейнетақы төлей бастайды

Шарт қандай болуы мүмкін:

Шарт екі тәсілдің бірі бойынша жасалуы мүмкін:

екеуі үшін де кейінге қалдырылған аннуитет;

біреуі үшін кейінге қалдырылған, екіншісі үшін дереу төленетін аннуитет.

ҚАНША ТӨЛЕЙДІ:

Ай сайынғы зейнетақы төлемінің мөлшері сақтандыру сыйлықақысының сомасына байланысты. Әлеуметтік кодекске сәйкес, оның мөлшері шарт жасалған күнгі күнкөріс деңгейінің 70%-ынан төмен болмауы тиіс.
2025–2027 жылдары базалық әлеуметтік төлемдерді есептеу үшін ең төменгі күнкөріс деңгейі — 50 851 теңге, сондықтан шарт бойынша ең төменгі зейнетақы — айына 35 596 теңге. Шарт жасасу үшін қажетті ең төменгі сыйлықақы осы сома негізінде есептеледі.
Төлемдер ай сайын төленіп тұрады.

ШАРТТЫ БЕКІТУ ЕРЕЖЕЛЕРІ:

Зейнетақы аннуитеті шартын БЖЗҚ-да зейнетақы аннуитеті шартын жасау үшін жеткілікті *жинақтары бар тұлғалар жасай алады:

Кейінге қалдырылған** зейнетақы аннуитеті шартын:

45 жастан үлкен
Жиынтық кемінде 60 күнтізбелік айға оларға МКЗЖ төленген, 40 және одан үлкен жастағы тұлғалар жасай алады.

Дереу** зейнетақы ауннуитеті шартын:

53 жастан (әйелдер үшін) және 55 жастан үлкен (ерлер үшін)
жиынтық кемінде 60 күнтізбелік айға оларға міндетті кәсіптік зейнетақы жарналары (МКЗЖ) төленген, 50 және одан үлкен жастағы тұлғалар жасай алады.

* Қазақстан Республикасы Қаржы нарығын реттеу және дамыту агенттігінің 2023 жылғы 7 маусымдағы № 45 Басқарма қаулысының және ҚР Әлеуметтік кодексінің талаптарына сәйкес есептелген зейнетақы аннуитеті шарты бойынша ең төменгі сақтандыру сыйлықақысы.

**Кейінге қалдырылған аннуитет - төлемдер бірден емес, алдын ала келісілген мерзім өткеннен кейін басталады. Осы уақытқа дейін компания сіздің қаражатыңызды инвестициялайды.

**Дереу төленетін аннуитет - төлемдер сыйлықақы төленгеннен кейін бірден басталады.

2026 ЖЫЛЫ ЗЕЙНЕТАҚЫ АННУИТЕТІ ШАРТЫН ЖАСАСУ ҮШІН ЖЕТКІЛІКТІ ЕҢ ТӨМЕНГІ сыйлықақылары

Кейінге қалдырылған аннуитет				Дереу аннуитет
МКЗЖ болған кезде		МКЗЖ-сыз		МКЗЖ болған кезде		МКЗЖ-сыз
40 жастан (Ерлер)	7 777 482	45 жастан (Ерлер)	9 163 723	50 жастан (Ерлер)	8 528 378	55 жастан (Ерлер)	10 048 456
40 жастан (Әйелдер)	10 147 533	45 жастан (Әйелдер)	11 476 285	50 жастан (Әйелдер)	11 127 252	53 жастан (Әйелдер)	13 180 591

ЖҮКТЕЛЕТІН ҚҰЖАТТАР

САҚТАНДЫРУ ЕРЕЖЕЛЕРІ Соңғы өзгерту: 03.04.25

САҚТАНДЫРУ ТАРИФТЕРIСоңғы өзгерту: 19.02.26

ЗЕЙНЕТАҚЫ АННУИТЕТІ ШАРТТАРЫ БОЙЫНША САҚТАНДЫРУ ДИВИДЕНДТЕРІН ЕСЕПТЕУ ЖӘНЕ ТӨЛЕУ ЕРЕЖЕЛЕРІ Соңғы өзгерту: 12.09.25