Заңды тұлғалар үшін аннуитеттік сақтандыру

Бағдарлама не береді:

Төлемдерге Сақтандыру төлемдеріне кепілдік беру қоры кепілдік береді. Сақтандырушыда форс-мажор болса да, қызметкер мен оның отбасы төлемсіз қалмайды.

Зардап шеккен адам еңбекке қабілеттілігінен айырылу мерзімі бойы ай сайын төлем алады. Бұл — жоғалған табыстың орнын толтыру.

Есеп-қисапты, құжаттарды және төлемдерді Nomad Life өзі жүргізеді. Жұмыс берушіге бұл үшін бөлек қызметкер қажет емес.

Өндірісте қаза тапқан қызметкердің отбасы заңға сәйкес төлемдер алады және бұл жағдаймен жалғыз қалмайды.

ШАРТ ҚАЛАЙ ӘРЕКЕТ ЕТЕДІ?

Өндірісте жазатайым оқиға орын алды:

қызметкер кәсіби еңбекке қабілеттілігін жоғалтты немесе қаза тапты. Бұл — аннуитет шартын жасасуға негіз.

NOMAD LIFE төлем сомасын есептейді,

құжаттарды дайындайды.

АННУИТЕТТІК САҚТАНДЫРУ ШАРТЫНА ҚОЛ ҚОЯМЫЗ.

NOMAD LIFE ЗАРДАП ШЕККЕН ҚЫЗМЕТКЕРГЕ немесе оның отбасына

аннуитет шартында көзделген мерзімдерде ақша төлейді. Қызметкер еңбекке уақытша жарамсыз болған жағдайда, барлық құжаттар ұсынылғаннан кейін алғашқы төлемді 7 жұмыс күні ішінде жасаймыз.

САҚТАНДЫРУ ТӨЛЕМДЕРІН ЖҮЗЕГЕ АСЫРУ ШАРТТАРЫ:

Зардап шеккен қызметкерге ұзақ мерзімді төлемдерді Nomad Life ай сайын, жеке аннуитет шарты бойынша жүзеге асырады. Бұл шартты ҚЖОМС шарты рәсімделген сол сақтандыру компаниясы жасайды. Егер ҚЖОМС Nomad Life компаниясында рәсімделген болса, есептеулер мен төлемдерді біз жүзеге асырамыз. Ал қызметкерге басқа сақтандыру компаниясын іздеп, құжаттарды қайта жинаудың қажеті жоқ.

Еңбекке қабілеттіліктен бір жылдан аз уақытқа айырылған кезде:

• Төлемдер аннуитет шарты бойынша ай сайын жүргізіледі.
• Nomad Life алғашқы төлемді барлық қажетті құжаттар ұсынылғаннан кейін 7 жұмыс күні ішінде жүзеге асырады.

Еңбекке қабілеттіліктен бір жылға немесе одан да ұзақ мерзімге айырылған кезде:

• Төлемдер кәсіби еңбекке қабілеттіліктен айырылу дәрежесі белгіленген немесе ұзартылған бүкіл мерзім ішінде ай сайын жүргізіледі, бірақ Қазақстан Республикасының әлеуметтік қорғау туралы заңнамасында белгіленген қызметкердің зейнеткерлік жасқа толу мерзімінен аспайды.

Зейнетақы алдындағы аннуитет:

• Шарт жұмыс берушінің (сақтанушының) өтініші негізінде, Қазақстан Республикасы Әлеуметтік кодексінің 195-1-бабында көзделген талаптар (зиянды еңбек жағдайларында жұмыс істеу, жас және кәсіптік аударымдарды төлеу өтілі) туындаған кезде қызметкердің пайдасына жасалады.
• Ай сайынғы төлем мөлшері ағымдағы қаржы жылына белгіленген бір күнкөріс минимумына тең.
• Төлемдер жұмыс беруші (сақтанушы) сақтандыру ұйымына жүгінген сәттен бастап қызметкердің зейнеткерлік жасқа толғанына дейін жүргізіледі.
• Төлем мөлшері күнкөріс минимумы мөлшерінің өзгеруіне сәйкес қайта есептеледі.

Қызметкер жазатайым оқиға салдарынан қайтыс болған кезде:

• Төлемдер зиянды өтеуге құқығы бар адамдарға Қазақстан Республикасының заңнамасында белгіленген мерзім ішінде жүргізіледі.

Денсаулыққа зиян келтірілген кезде:

Кәсіби еңбекке қабілеттіліктен айырылу дәрежесі белгіленген жағдайда шығыстарды өтеу (ағымдағы қаржы жылына белгіленген АЕК мөлшерінде):

• 30%-дан 59%-ға дейін қоса алғанда — 500 АЕК;
• 60%-дан 89%-ға дейін қоса алғанда — 750 АЕК;
• 90%-дан 100%-ға дейін қоса алғанда — 1 000 АЕК.

Жерлеуге жұмсалған шығыстар:

• Егер қызметкер қайтыс болған жағдайда, жерлеу рәсіміне ақы төлеген адамға 100 АЕК мөлшерінде шығыстар өтеледі.

ЖҮКТЕЛЕТІН ҚҰЖАТТАР

САҚТАНДЫРУ ЕРЕЖЕЛЕРІ Соңғы өзгерту: 15.11.24

10.09.2026 Ж. ЕРІКТІ АННУИТЕТТІК САҚТАНДЫРУ ЕРЕЖЕЛЕРІ Соңғы өзгерту: 15.09.26

Аннуитеттiк САҚТАНДЫРУ бойынша ТАРИФТЕРIСоңғы өзгерту: 24.02.26

Зейнетақы алдындағы аннуитет бойынша ТАРИФТЕРIСоңғы өзгерту: 24.02.26